Benquerido
amigo/a:
Un ano máis poñémonos en contacto contigo,
desde a Delegación Diocesana de Pastoral Vocacional, para invitarte e animarche
a que participes no Festival da Canción Vocacional que este ano cumpre a súa XVIIIª
edición. Terá lugar en Mondoñedo o Sábado 27 de Abril de 2013.
Con motivo do Ano da Fe proposto polo
Papa Benedicto XVI, e tamén atendendo ó Plan Pastoral da nosa Diocese que
nos anima a acentuar a importancia da familia como Igrexa doméstica e
sementeira de vocacións; quixemos aglutinar estas dúas realidades no lema do
Festival deste ano: “Familia + Fe = Vocacións”. Somos conscientes do ambiente social
no que vivimos: carestía de vocacións sacerdotais e á vida consagrada, falta de
valentía e compromiso á hora de ser transmisores da fe desde a propia familia,
o feito de minusvalorar a fe frente os valores que imperan ó noso redor (na
escola, no traballo…). Pero ante todo isto, sabemos que a chamada de Deus é
constante e que non renuncia a invitarnos a vivir a nosa vida conforme á súa
vontade de amor, pois Deus quere que vivamos plenamente a nosa vida, con
intensidade, dende o gozo e a esperanza. Valores do Reino que se cultivan xa
dende o ámbito familiar, pois a Fe é un regalo que precisa ser coidado, vivido,
celebrado e transmitido; e que mellor xeito de facelo que o exemplo dos
primeiros educadores que son a familia, a comunidade cristiá e as vidas consagradas
a Cristo. É un compromiso de todos, pois a todos Deus nos chama para
evanxelizar, é a misión da Igrexa.
Ademais de poder participar no Festival
coas vosas cancións ou coa vosa asistencia, invitámosvos tamén a realizar unha
presentación en formato PowerPoint que recolla o sentido do que celebramos no
Festival (pode ser unha presentación cun conto, redacción, con imaxes ou
debuxos, etc.). O prazo límite para entregalas será o mesmo que para as
cancións. As presentacións que fagades verémolas o día do Festival.
Se tes algunha dúbida, ponte en contacto con
nós:
Só queda animarte a que participes nalgunha
das actividades que presentamos; tamén podes vir simplemente a participar do
día de convivencia e divertirte coas actuacións.
Un cordial saúdo,
A ORGANIZACIÓN DO FESTIVAL
No hay comentarios:
Publicar un comentario